Borghezio a Lecce: "Alla fine l'Africa me la immagginava peciu"

Un elegantissimo Borghezio

E insomma sti giurni a Lecce è tuttu nu parlare te fascisti e comunisti, te niuri e de russi, te bueni e de fiacchi, te ricchi e de poveri, te cinesi e de zingari, te mazzate e curtieddhri, te verità e bucie.  Anu riati li fascisti te casa pound ca se sta troaunu a Surbu, intra nu postu ca nu anu tittu a nisciunu cunussia scoppianu mazzate cu parlanu e cu festeggianu . Intantu stanotte a Lecce anu reutata menza chiazza e anu ulati cuerpi. Nu se sape cine, nu se sape percene, intantu se immagina e basta e li caramba sta vardanu tutti li videu de sorveglianza te li negozi cu capiscenu ci nna tiratu a cine e ci ha scasciati li portafiori..
Tice ca ncera puru sangu anterra, invece era lu disegnu menzu cancellatu te lu matunnaru de Santu Ronzu. Amminezu alli fascisti sa bunitu puru drhu malecarne de borhezio, ca le prime parole ca ha ditte quandu ha riatu a Lecce anu state "Alla fine l'Africa me la immagginava peciu". Ncete puru la Poli Bortone ca fascista nu bete, dice iddrha, ca ha dichiaratu: "Ammie manu tittu ca ete la sagra te li turcinieddhri e ieu sta bau, poi itimu ci sta parla abbuecchiu". E insomma sicuramente finu a duminica tutti a Lecce se inchienu la ucca, Li russi ticenu ca li niuri su fiacchi, li niuri ticenu ca li russi su cugghiuni, li verdi ticenu ca li fascisti su megghiu percè li niuri nu ne piacenu. Sulla questione s'ha espressu puru lu Mille lire dichiarandu:

"A mie nu me ne futte nu cazzu, tantu alli niuri ne indu le prevendite te le discoteche e alli russi le prevendite e le dance hall". Intantu li fessa cra matina sanu bazzare lo stessu cu ba fatianu, sempre se na fatia la tenenu. Na fiata puru iddrhi eranu fascisti e comunisti, poi lu statu la televisione e internet ne nda lliata la voglia puru cu pensanu e moi nu suntu chiui nu cazzu. Anzi, pe la maggiorparte suntu grillini, ca cu quiddhri nu nce bisegnu cu piensi, basta ca condividi su facebook li articoli te lu patrunu e ta liatu lu pensieru, ntra lu veru sensu te la parola.