Finalmente li leccesi potenu cire a mare!

Finalmente lu Salentu sa svuotatu e li leccesi potenu cire a mare. Dopu na stagione ca a mare nu te putii mancu cucchiare perchè le spiagge stianu chine te Napoletani e Baresi, sti ultimi quindici giurni poddarsi ca quarche bagnu esse. Finu a moi cu bbai a mare a torre dell'orsu i parcheggiare a melendugnu e cu te la faci alla mpete, e se ncera tramuntana e decidii cu bai a portucesariu, allu ritornu tocca
cu te organizzai cu te mangi na frisa intra la machina e cu te pigghiai te ferie puru lu giurnu dopo ca prima te le ddoi te notte a casa nu nci turnai. Anu basciati puru li prezzi, ca finu a qualche giurnu a retu nu pacchettu te patatine all'urtima spiaggia te le cesine le pacai do euru, cu te mangi na cosa a menzatia allu lidu te torre dell'orsu nci lassare la quattordicesima. Li salentini sta speranu sulamente cu mantene stu tiempu pe na quindicina te giurni auri, ammenu cu se ndanu a mare te espireddra.