Sta spettava la terza batteria te li fuechi te Santu Ronzu. L'anu truatu la matina dopu durmisciutu sulla seggiteddra.

Brutta nuttata per lu Peucciu te le vele. Ia ciutu sulu sulu cu se ite li fuechi te Santu Ronzu comu ogne annu lu 26 te agostu. A muggherisa nu nne sta cuddrava. Siccomu l'annu scorsu ia zzumpatu all'aria lu camiu te li fuechi e quindi nu lianu sparati se pensava ca stannu scuntavane. Ia lettu su lecce prima ca nceranu 3 batterie e quandu ha finita la seconda e tutti li cristiani anu ncignatu cu se ndanu iddrhu era convintu
ca ncera puru la terza. Sicuru ca sta squariavanu cu la ndrizzanu ha rimastu sittatu culla spetta. L'anu truatu la matina dopu intra na chisura te la 167A durmisciutu. Quandu l'ane svegliatu le prime parole ca ha ditte su state: "Che fuechi te merda". L'unica cosa positiva te la serata pe lu Peucciu ha stata ca s'ha evitatu lu trafficu farwest te mienzu la strata quandu spiccianu li fuechi e comu minimu te ndai a casa cu nu fanalinu ruttu perchè lu scooter ca sta caminava sullu parite ta catutu sulla machina.